Мемлекеттік қызмет-елдің мүддесіне адал еңбек»
Анықтама
11- наурыз күні 9-11 сынып оқушыларымен «Мемлекеттік қызмет-елдің мүддесіне адал еңбек» атты тақырыпта кездесу өтті. Кездесуге Қазақ Ұлттық Аграрлық зерттеу университетінің (Қаз ҰАЗУ) докторанты Оңласын Ұлжан қатысты. Оңласын Ұлжан өзі білім алған оқу орны туралы білім беру бағдарламаларының топтамаларымен таныстырды. Бүгінгі таңда білімге бой ұрып, ұлы ғұлама әл-Фарабидің «Тәрбиесіз берілген білім-адамзаттың қас жауы» деген ұлағатты сөзін ұмыт қалдырып барамыз. Жастар шетел асып, шекара сыртында білім алғанымен, тұла бойына тәрбие дарымаған дарын иесінен нағыз маман шығуы екі талай нәрсе. Сондықтан да мемлекеттік қызметкер тек білімді ғана емес, жоғары моральдық жауапкершілік пен өз ісіне деген әділдік, адалдық, адамгершілік қасиеттер мен қағидаларды қатаң ұстанған жан болуы шарт деп ойлаймын. Сонда ғана елдің ертеңі нұрлы болмақ.